Pamilya

Isang pamilya kung kanila'y tawagin

Itong tahanang mga tao'y kapiling

Nakatira'y ama, ina, mga supling

Pagmamahal sa isa't-isa ang bilin.

Ama ang humahaligi sa tahanan

Nang di mabuwal ng bagyong daraan

Ilaw ng tahanan itong inang uliran

Upang liwanag ng buhay makamtan

Mga supling nama'y hatid ay tuwa

Kaligayahan ng magulang ay nasa

Ama't ina nama'y lubos ang tuwa

Sa kanilang anak na kaaya-aya

Di kailanman maibubuwal ng bagyo

Pamilyang sa isa't-isa'y may pintuho

Kahit subukin man ng buong mundo

Basta't pagmamahal nangingibabaw rito

Tahanang mga tao'y nagkakaisa

Kay ganda nilang pagmasdan diba?

Ligya sa poon ang kanilang dala

Datapwat tunay na tawaging pamilya.

                                                              
                                                                               -Menith