 |
| Our Lady of Lourdes Parish Church, Bangkal Davao City, Philippines |
Sa pag duyan ng alapaap sa hangin
Banaag ng haring araw ay natatanaw
Batid ng puso ko Panginoon ako’y sayo
Batingaw ng simbahan ang nagsasabing tinatawag mo ako
Ang iyong pagmamahal O Diyos ang nagbigkis sa akin
Na mag lingkod sa ngalan ng iyong kabanalan
Kapangyarihan mo ang nag taliba
Sa gayo’y mamutawi taimtim na dalangin
Upang hapis ng sangkatauhan ay iyong hagurin….
Indayog ng bawat huni ng ibon
Ang nagpapahimlay sa aking mga mata
Ang lunggating mabanaagan ka kahit sa pagtulog
Ang syang nagpalambot ng tigang na mga puso
At sa yapos mo lamang nakatigahaw
Ikay pakamamahalin, Panginoon buong buhay ko.
-Marikit
No comments:
Post a Comment